ಗುರುವಾರ, ಮೇ 17, 2012

ಹಾವು - ಬೆಳಕು!

ಅಂಗಳದಲೊಂದು ಹಾವು
ಹಸಿರು ಹುಲ್ಲುಸಿರ ಮಧ್ಯೆ ವಿಷ!
ನರಗಳಲಿ ನೆತ್ತರಿಗೆ ಚಳಿ
ಬೆರಳು ನಡುಗುತ್ತದೆ ಬೆದರಿ!

ರಾತ್ರಿ, ನಡುಗತ್ತಲು!
ಒಂಟಿ ಮಿಂಚುಹುಳದ ಬೆಳಕು
ಕಣ್ಣು ಮಿಟುಕಿಸುತ್ತದೆ ಜೀವ
ಹಾವ ನಾಲಗೆಯ ಭಯಕೆ!

ತೆವಳುತ್ತದೆ ಪಾದ, ಮುಂದಿದೆಯೋ ?
ನೋವಿಣುಕುತ್ತದೆ ಮಂಡಿಯಲಿ
ಮೆದುಳಿಗೊಂದಷ್ಟು ಗುಡುಗು
ಹನಿ ಮಳೆ ಕೆನ್ನೆ ಮೇಲೆ!

ರಾತ್ರಿ ಕಳೆದು ಮುಂಜಾವು!
ತಂಪು, ಪೂರ್ವದಲಿ ಕಿರಣ!
ಬೆಳಕುಗಳ ಹೊತ್ತು ಭಾನು!
ಹಾವೆಲ್ಲಿ? ಬಿಲದೊಳಗೆ?!
====

ಚಿತ್ರ ಕೃಪೆ=ಫ್ಲಿಕರ್.ಕಾಂ

4 ಕಾಮೆಂಟ್‌ಗಳು:

  1. ನನಗೆ ಹಾವು ಎಂಬ ಪ್ರತಿಮೆ ಭ್ರಮೆ ಮತ್ತು ನಾವು ಹಗಲುಗನಸುಗಳಲ್ಲಿ ಕಾಣುವ ಅನುಭವಕ್ಕೆ ಬಾರದ ಅವ್ಯಕ್ತ ಭಯದಂತೆ ಕಾಣಿಸಿತು.. ಬೆಳಕು ಅಥವಾ ಸೂರ್ಯ ಎಂಬುದು ಅರಿವಿನಂತೆ ಭಾಸವಾಯ್ತು.. ನಾನು ಹಿಂದೆಯೆ ಹೇಳಿದ್ದೇನೆ ನೀವು ಪ್ರತಿಮೆಗಳನ್ನು ದೃಢವಾಗಿ ನಿಲ್ಲಿಸುವುದನ್ನು ಕರತಲಾಮಲಕ ಮಾಡಿಕೊಂಡಿದ್ದೀರಿ, ಅದು ಈ ಕವಿತೆಯಲ್ಲಿ ಸಂಪೂರ್ಣವಾಗಿ ಬಿಂಬಿತವಾಗಿದೆ.. ಮನವನ್ನು ತಟ್ಟಿ ಎಬ್ಬಿಸುವಂತಹ ಅಭಿವ್ಯಕ್ತಿ ಪುಷ್ಪಣ್ಣ..

    ಪ್ರತ್ಯುತ್ತರಅಳಿಸಿ
  2. ಚೆನ್ನಾಗಿದೆ. ಪ್ರತಿಮೆಗಳ ಲೋಕದಲ್ಲಿ ಕಳೆದುಹೋದೆ :-)

    ಪ್ರತ್ಯುತ್ತರಅಳಿಸಿ